Монголын сайхан орныхоо дөрвөн зүг найман зовхис хийгээд, дэлхийн өнцөг булан бүрт амжилт дүүрэн сурч ажиллан, амгалан тайван аж төрөн амьдарч байгаа Жавхлантчууд та бүхэнтэйгээ танай Website-p дамжуулан мэндчилж байгаадаа туйлын баяртай байна.
Тус сургуулиас даль жигүүр нь урган эрдэмд дөрөөлж өөрсдийн хүсэл мөрөөдөл, хичээл зүтгэл, оюун ухаанаараа тус тусын ажил мэргэжил, сургуулиа сонгон авч эх орныхоо хөгжил дэвшилд бодитой хувь нэмэр оруулан тив дэлхий, улс, аймаг, сум орон нутаг, албан байгууллага, хамт олныхоо дунд нэр алдраа дуурсган амжилт бүтээлээр дүүрэн яваа та бүхнээрээ төрөлх сургууль, хамт олон тань цаг ямагт бахархаж явдаг. Төрөлх сургуулийнхаа үүсч, хөгжсөний түүхт 50 жилийн ойг энэ 2011 онд тэмдэглэн өнгөрөөх бөгөөд ой угтсан их ажлын хүрээнд та бүхэнтэйгээ дахин хамтран ажиллах болсондоо таатай байна. Өөрсдийн эрдэмтэн багш, анги хамт олон, найз нөхдийнхөө болон өөрийн ажил амьдралын ололт амжилт, намтар түүх, дурсамж дурдатгал, санал бодлоо нэгтгэн төвлөрүүлж сургуулийн 50 жилийн ойд зориулан гаргах дурсамж номыг хамтран туурвин бүтээх,ой угтсан бүтээн байгуулалтын ажлуудад идэвх зүтгэл гарган, санал санаачилгатай оролцохыг урьж байна.
Сургуулийн захирал:  / Б. Түдэв/
|
Санал асуулга, сэтгэгдэл 